My Dream

今天無意中看見一個碩士班同學的照片，只見照片拍的是一塊壁報，上面寫著「Professor of the month」，中間有我同學的相片，旁邊還有一些介紹。

我想起了當年這位同學，在輔導學唸了一年，便因為知道自己的興趣是社會工作，不是輔導學，便毅然轉校，到另一所學校唸社工去。記得當時我佩服她的勇氣，但也覺得既然已唸了一年，為何不把它唸完。現在見到她終於也做了教授，也提醒了我，不要放棄自己的夢。

由中六那年起，我便愛上了心理學，尤其是異常心理學，每次一說起我都眉飛色舞。我的夢想是做一個臨床心理學家。我知道，雖然中間的路可能曲折，但我要緊緊抱著我的夢，終有一天，它會變成事實。

原來家的感覺....就是這麼的一回事

「原來家的感覺...就是這麼的一回事」

今天去了探望一位住了院的老友記，我進去探望他時，只見他目光呆滯，好像認不得人；但當我一喊他說，XX我來探望你啦，他便好像突然認得我，哇的一聲哭了出來，情緒激動。

這一幕，讓我很感動。原來人與人之間，可以有這樣的情，雖不是家人，但在這種時候，是有那麼濃的一份情。也提醒了我，當初為何要做社會服務，就是為了讓心靈上無家的人，知道有最少一個人願意作他們心靈上的家人。我要好好記住這一份感動，繼續去服務有需要的人。

電話

原來，係我唔察覺嘅情況下，電話已成為我生活裡不可或缺的一部份。佢係我嘅電話（當然！），係我嘅上網工具，遊戲中心，搜尋器，打發時間嘅玩具...

尤其當我約了朋友，尚未碰面，而我又知電話的電量不足以應付我日常的用法時，著實有些徬徨。我不停在快餐店，咖啡店等地，找尋電源，找不到...最後我只能把手機弄到待機，然後，歌又不能聽，網又不能上，短訊也不敢多發，然後，可以做什麼呢？

登燈登凳...就係坐係度發呆啦！=.="

下次，我都係乖乖地叉定電先出門啦！

吹口哨

唔...吹口哨呢回事呢，真係personal 得來又好鬼有個人特色。

早兩日我搭地鐵坐電梯時，聽到背後傳來一段熟悉的音樂。有位叔叔係度吹口哨，曲調係「The Whole New World」。呢個係繼上一次我聽到有人吹Phantom of the Opera 之後又一力作。

痴纏的抗生素

話說早兩星期我病倒了。這場病倒也厲害，我已很久沒試過病得全身乏力，完全支持不了呢。

期間也探訪了醫生三次，第一次不用吃抗生素，之後兩次都要，護士小姐就跟我進行了以下的對話：

護：這個抗生素每天要吃一次，什麼時間吃不要緊，只要是毎天的差不多時間吃就好。另外，（加重了語氣）這兩粒抗生素不能分開吃。
我：（心想）這個我明白。
護：不能分開吃，就是分開兩口吞下也不行。兩粒一定要一起吃哦，不能把它們分開哦。
我：（傻了眼心想）下？點解分開兩啖吞都唔得？呢兩粒藥真係要咁痴纏，至死都不分開？

莫非...

話說早兩日係思思縮扒溜躂，忽然背後傳來一聲清脆的「Excuse me!」，我本能的讓了讓，本以為在我身後經過的是外國人，然後，我看到一個女子從我身後走到她的朋友旁邊，跟她說一口流利的廣東話。

小女子自問樣子長得都十分的中國人，實在不明白那位小姐因何要對小女子大談雞腸。莫非她有十分的把握小女子聽得明白她說什麼？抑或到了這等局長們口中的「街市」，非得說兩句芵文才襯得起身份？

不明白，不明白

疑問

剛才聽到電視咁講：「我地做呢D呢D野，係可以增加自己嘅生活圈子。」

立刻有疑問：擴闊生活圈子我聽過，想問下，點樣增加自己嘅生活圈子呢？

趕不上。

最近迷上艾瘋小遊戲，pocket frogs。

遊戲其實很簡單，有點似之前在臉書瘋魔一時的fluff friends。主要係養青蛙，放佢地係魚塘跳來跳去食蜻蜓， 咁佢地就會開心D，係魚塘時又可以找下小禮物咁，又或者同其他青蛙交配，生唔同種類嘅青蛙，咁佢地開心D就會值錢D，拿去比賽又跑得快D咁。賺左D錢就可以拿來買supply 呀，牆紙呀，咁樣。

我想講嘅重點唔係遊戲嘅好玩， 而係佢呢個遊戲真係非常咁益智， 會令人明白左一D現實生活中嘅現象。就好似，你賺嘅錢係永遠追唔上買個habitat （拿來俾青蛙住嘅）嘅價錢。當你仲係魚塘跳來跳去食蜻蜓，賺一二百，而積蓄只係得幾百，個habitat 嘅價錢已經係三千幾。到你千辛萬苦，係魚塘食蜻蜓，終於買到一個habitat, 下一個已經係七千幾。

個下，我真係完全地明白做生做死為層樓嘅悲哀囉。

可愛可愛

個日行街見到呢個：

嘩！好可愛呀！完全地resist 唔到呀！！！

日曆

搞左一大輪，終於將個 work schedule sync 左入去個電話度。都真係搞左好耐下，因為唔知點解，次次係電腦打個時就okay, sync 到落電話度就變哂D奇怪時間。係我好痛苦咁重新打左個schedule 三次之後，終於俾我找到係咩問題。原來，係我冇較好電話個time zone。佢下下都以為我係美國....=.="

不過老實講，我一向的座右銘係「工作時工作，遊戲時遊戲」，所以，我係奉行工作時嘅時間就俾哂公司，放左工就唔掂公司野。我係非常極之十分oppose 將工作帶返屋企的。不過，呢個堅持已成為過去。隨住我工作量增加，有D planning 嘅野真係唔到我唔帶返屋企做。因為係屋企先可以安靜咁專心做野。而且都有人同我講，工作都係我人生嘅一部份，就好似食飯同瞓覺咁，我唔可以話唔諗瞓覺就唔需要瞓。所以，我都好無奈咁接受左呢個事實，就決定好好善用呢個電話，將工作個schedule 放入去，等我有時間都可以望下，安排下D野咁樣。

科技...科技...

奇景奇景

話說早兩日搭地鐵，俾我見到奇景。

我見到有個女人，抱起左一個大約五、六歲嘅男仔，面向住地鐵個垃圾筒。而個男仔係。冇。著。褲。嘅。

佢係度做緊乜我都唔深究，我只係想講，我以後都唔會亂掂地鐵度嘅垃圾筒啦（你知啦，有時都會唔覺意係掉垃圾時碰到架ma) ！！

好恐怖！

打鑊金

Okay...我都知我d返工時間異於常人，但係都唔使咁呀？？！！

話說因為今日放假，所以昨晚小小地放肆左一下，五點先瞓覺，到今朝9點左右，當我瞓得舒舒服服時，聽到一陣鑽牆的聲音，大聲都不特止，仲要斷斷續續續鑽五分鐘停一停，鑽五分鐘又再停一停，搞到完全瞓唔到。當你係一星期唯一一日可以瞓晏少少，發生d咁嘅情況，個下真係想鬧爆佢！

結果，我只係係忍無可忍嘅時候，用好溫文爾雅嘅語氣send左個Facebook message。我個人係咪好厚道呢。跟住我嘗試再瞓，但係當然唔成功啦！

點解咁多人？

早兩日有d setting 的問題要去門市，我係屋企附近個間望過，打哂蛇餅，咁橫豎我都要出銅鑼灣食飯，咪諗住去個邊門市囉。點知！人山人海！等左半個鐘有多！咁都算啦，最慘係我個問題竟然個店員只係襟左一個掣！！！襟一個掣！咁就搞掂左....灰爆左囉 =.=＂

跟住今日，唔識死嘅我，又再挑戰自己耐性嘅極限，再戰門市！！！
當前盛況：

等左成半個鐘都未到我呀陰公！

後記：想點呢？佢又係襟左兩個掣就得左....=.="

新玩具

玩了新玩具幾天，感覺很好！
可以隨時隨地上網真係好開心！不過就好忙，一坐低就係咁玩。
我仲感染到我爸媽都愛玩，咁佢地咪唔會鬧我囉，嘻嘻！係咪好有計呢

十月。重新出發。

時間過得真快，才一轉眼，這一年就已過了大半。也才驚覺，有很多的事沒做好，也有很多預定要做的事完全沒開始。

好，從十月開始，我要重新再出發，努力再做好D！加油加油！

小病

自從上星期四出左一晚去到午夜十二點的外展後，唔知係咪真係太辛苦，第日開始就聲沙沙，好似有一層野係把聲度咁樣。同埋有少少喉痛。跟住，一路都冇好過， 已經過左個幾星期，都仲未好番！仲有一兩日係痛到吞野都勁痛，同埋個耳仔，成日好似D氣壓唔平衡咁， 唔係好聽到野，所以，如果大家同我講野時我聽唔到，係正常，請多多包涵啦！

可能我身體真係比以前差左好多，好似都試過一兩次喉嚨痛勁耐都未好....無奈呀！

月餅節

一個晚上，一條路線，一架手推車，一個團隊，一聲問候，一個月餅，一份祝福。

耶穌愛你！中秋節快樂。

傻人有傻福

唔知有冇人會拿住個要吮先飲到個D水樽， 裏面係有水嘅，跟住將個樽口對住自己，然後噤個樽呢？

係啦，係你面前就係有個咁嘅傻人啦！跟住，咪就係噴到一面都係水囉！！！

Amoeba...

竟然！ 竟然！

今日我經過公司附近，忽然發現我去開個間髮型屋，捲閘半捲，玻璃上貼滿了「招租」、「有意請電XXXX」等等。

點解？ 點解呀！ 我好難先找到一個髮型師，一間髮型屋我覺得係okay 的，仲幫襯左好多次，佢次次都俾到一D新意我，我都好滿意，但竟然！執左！！！！

唉，之後又去邊度找人去整頭髮呢.....=.="

http://www.youtube.com/watch?v=ccXK6A-OuoQ

"I am pressed but not crushed
 Persecuted, but not abandoned
 Struck down, but not destroyed
 I am blessed beyond the curse,
 for His promise will endure
 and His joy will be my strength

 Though the sorrow may last for the night
 His joy comes with the morning."

「我 們 四 面 受 敵 ， 卻 不 被 困 住 ； 心 裡 作 難 ， 卻 不 至 失 望 ；遭 逼 迫 ， 卻 不 被 丟 棄 ； 打 倒 了 ， 卻 不 至 死 亡 。」～哥林多後書 4:8-9


這是我很喜歡的一段歌詞。毎一次我遇到困難時，我都會想起這一段歌詞，祂給了我很大的安慰。因為上帝對我說，「我被壓迫，但不被輾碎；受逼迫，但不被丟棄；打倒了，但不會被摧毀，我是蒙福的，超越咒詛，因為祂的應許常在，祂的喜樂是我的力量。」

就是這一個應許，我知道無論在多大的困難上，上帝都會與我同在，我遇到什麼，上帝都不會捨棄我。無論多辛苦，我也知道上帝應許不會到最差的境況，心裡就得安慰， 就能繼續努力去打仗了。

多謝你天父，祢是多麼的愛我。