莫非...

話說早兩日係思思縮扒溜躂，忽然背後傳來一聲清脆的「Excuse me!」，我本能的讓了讓，本以為在我身後經過的是外國人，然後，我看到一個女子從我身後走到她的朋友旁邊，跟她說一口流利的廣東話。

小女子自問樣子長得都十分的中國人，實在不明白那位小姐因何要對小女子大談雞腸。莫非她有十分的把握小女子聽得明白她說什麼？抑或到了這等局長們口中的「街市」，非得說兩句芵文才襯得起身份？

不明白，不明白

疑問

剛才聽到電視咁講：「我地做呢D呢D野，係可以增加自己嘅生活圈子。」

立刻有疑問：擴闊生活圈子我聽過，想問下，點樣增加自己嘅生活圈子呢？

趕不上。

最近迷上艾瘋小遊戲，pocket frogs。

遊戲其實很簡單，有點似之前在臉書瘋魔一時的fluff friends。主要係養青蛙，放佢地係魚塘跳來跳去食蜻蜓， 咁佢地就會開心D，係魚塘時又可以找下小禮物咁，又或者同其他青蛙交配，生唔同種類嘅青蛙，咁佢地開心D就會值錢D，拿去比賽又跑得快D咁。賺左D錢就可以拿來買supply 呀，牆紙呀，咁樣。

我想講嘅重點唔係遊戲嘅好玩， 而係佢呢個遊戲真係非常咁益智， 會令人明白左一D現實生活中嘅現象。就好似，你賺嘅錢係永遠追唔上買個habitat （拿來俾青蛙住嘅）嘅價錢。當你仲係魚塘跳來跳去食蜻蜓，賺一二百，而積蓄只係得幾百，個habitat 嘅價錢已經係三千幾。到你千辛萬苦，係魚塘食蜻蜓，終於買到一個habitat, 下一個已經係七千幾。

個下，我真係完全地明白做生做死為層樓嘅悲哀囉。

可愛可愛

個日行街見到呢個：

嘩！好可愛呀！完全地resist 唔到呀！！！

日曆

搞左一大輪，終於將個 work schedule sync 左入去個電話度。都真係搞左好耐下，因為唔知點解，次次係電腦打個時就okay, sync 到落電話度就變哂D奇怪時間。係我好痛苦咁重新打左個schedule 三次之後，終於俾我找到係咩問題。原來，係我冇較好電話個time zone。佢下下都以為我係美國....=.="

不過老實講，我一向的座右銘係「工作時工作，遊戲時遊戲」，所以，我係奉行工作時嘅時間就俾哂公司，放左工就唔掂公司野。我係非常極之十分oppose 將工作帶返屋企的。不過，呢個堅持已成為過去。隨住我工作量增加，有D planning 嘅野真係唔到我唔帶返屋企做。因為係屋企先可以安靜咁專心做野。而且都有人同我講，工作都係我人生嘅一部份，就好似食飯同瞓覺咁，我唔可以話唔諗瞓覺就唔需要瞓。所以，我都好無奈咁接受左呢個事實，就決定好好善用呢個電話，將工作個schedule 放入去，等我有時間都可以望下，安排下D野咁樣。

科技...科技...

奇景奇景

話說早兩日搭地鐵，俾我見到奇景。

我見到有個女人，抱起左一個大約五、六歲嘅男仔，面向住地鐵個垃圾筒。而個男仔係。冇。著。褲。嘅。

佢係度做緊乜我都唔深究，我只係想講，我以後都唔會亂掂地鐵度嘅垃圾筒啦（你知啦，有時都會唔覺意係掉垃圾時碰到架ma) ！！

好恐怖！

打鑊金

Okay...我都知我d返工時間異於常人，但係都唔使咁呀？？！！

話說因為今日放假，所以昨晚小小地放肆左一下，五點先瞓覺，到今朝9點左右，當我瞓得舒舒服服時，聽到一陣鑽牆的聲音，大聲都不特止，仲要斷斷續續續鑽五分鐘停一停，鑽五分鐘又再停一停，搞到完全瞓唔到。當你係一星期唯一一日可以瞓晏少少，發生d咁嘅情況，個下真係想鬧爆佢！

結果，我只係係忍無可忍嘅時候，用好溫文爾雅嘅語氣send左個Facebook message。我個人係咪好厚道呢。跟住我嘗試再瞓，但係當然唔成功啦！

點解咁多人？

早兩日有d setting 的問題要去門市，我係屋企附近個間望過，打哂蛇餅，咁橫豎我都要出銅鑼灣食飯，咪諗住去個邊門市囉。點知！人山人海！等左半個鐘有多！咁都算啦，最慘係我個問題竟然個店員只係襟左一個掣！！！襟一個掣！咁就搞掂左....灰爆左囉 =.=＂

跟住今日，唔識死嘅我，又再挑戰自己耐性嘅極限，再戰門市！！！
當前盛況：

等左成半個鐘都未到我呀陰公！

後記：想點呢？佢又係襟左兩個掣就得左....=.="

新玩具

玩了新玩具幾天，感覺很好！
可以隨時隨地上網真係好開心！不過就好忙，一坐低就係咁玩。
我仲感染到我爸媽都愛玩，咁佢地咪唔會鬧我囉，嘻嘻！係咪好有計呢

十月。重新出發。

時間過得真快，才一轉眼，這一年就已過了大半。也才驚覺，有很多的事沒做好，也有很多預定要做的事完全沒開始。

好，從十月開始，我要重新再出發，努力再做好D！加油加油！

小病

自從上星期四出左一晚去到午夜十二點的外展後，唔知係咪真係太辛苦，第日開始就聲沙沙，好似有一層野係把聲度咁樣。同埋有少少喉痛。跟住，一路都冇好過， 已經過左個幾星期，都仲未好番！仲有一兩日係痛到吞野都勁痛，同埋個耳仔，成日好似D氣壓唔平衡咁， 唔係好聽到野，所以，如果大家同我講野時我聽唔到，係正常，請多多包涵啦！

可能我身體真係比以前差左好多，好似都試過一兩次喉嚨痛勁耐都未好....無奈呀！

月餅節

一個晚上，一條路線，一架手推車，一個團隊，一聲問候，一個月餅，一份祝福。

耶穌愛你！中秋節快樂。

傻人有傻福

唔知有冇人會拿住個要吮先飲到個D水樽， 裏面係有水嘅，跟住將個樽口對住自己，然後噤個樽呢？

係啦，係你面前就係有個咁嘅傻人啦！跟住，咪就係噴到一面都係水囉！！！

Amoeba...

竟然！ 竟然！

今日我經過公司附近，忽然發現我去開個間髮型屋，捲閘半捲，玻璃上貼滿了「招租」、「有意請電XXXX」等等。

點解？ 點解呀！ 我好難先找到一個髮型師，一間髮型屋我覺得係okay 的，仲幫襯左好多次，佢次次都俾到一D新意我，我都好滿意，但竟然！執左！！！！

唉，之後又去邊度找人去整頭髮呢.....=.="

http://www.youtube.com/watch?v=ccXK6A-OuoQ

"I am pressed but not crushed
 Persecuted, but not abandoned
 Struck down, but not destroyed
 I am blessed beyond the curse,
 for His promise will endure
 and His joy will be my strength

 Though the sorrow may last for the night
 His joy comes with the morning."

「我 們 四 面 受 敵 ， 卻 不 被 困 住 ； 心 裡 作 難 ， 卻 不 至 失 望 ；遭 逼 迫 ， 卻 不 被 丟 棄 ； 打 倒 了 ， 卻 不 至 死 亡 。」～哥林多後書 4:8-9


這是我很喜歡的一段歌詞。毎一次我遇到困難時，我都會想起這一段歌詞，祂給了我很大的安慰。因為上帝對我說，「我被壓迫，但不被輾碎；受逼迫，但不被丟棄；打倒了，但不會被摧毀，我是蒙福的，超越咒詛，因為祂的應許常在，祂的喜樂是我的力量。」

就是這一個應許，我知道無論在多大的困難上，上帝都會與我同在，我遇到什麼，上帝都不會捨棄我。無論多辛苦，我也知道上帝應許不會到最差的境況，心裡就得安慰， 就能繼續努力去打仗了。

多謝你天父，祢是多麼的愛我。

宿命難違

我覺得呢個真係一個curse 來架！！

點解毎次唔係full team 嘅時候，就一定會出事架呢？ 仲一件比一件大鑊架呢？

今日大事事件簿：

• 一開工就接左個要傾二十分鐘的電話
• 好彩仲有時間食飯
• 接到電話，要立刻安排人前往
• 跟住開飯查經直落
• 啱啱查完經，碗都未洗完，又接左個處理一段時間的電話
• 唔經唔覺，已經3點lu~
• 本來約左個meeting 4 點半，點知佢地4 點就到左
• 好彩都預備得切
• 開完會已經5點3
• 臨放工再少少地中左D招

去到傍晚，我已經筋疲力盡，諗住返到屋企可以立刻食野（自從今朝11點半食完野之後，都冇再食過野），點知冇得食！ 不過都唔算好耐，等左半個鐘度啫。

好！ Tomorrow is another day!

我是....

“或留家中 煲碟睇齣戲
賴床不起 做完幾天 早筋竭力疲

任何港女 都想這日期
並無驚喜 不必太傳奇
任由新地 隨便到沒禁忌
凡事志在興起 平淡卻是最美
過了禮拜 我又回魂未 我不理只想透氣”

是日schedule:

10:45  起身
11:00  崇拜
1:00    返家
2:00    午睡
2:30    下午茶
3:00    XTC 食$8雪糕 （多謝資料先生的coupon)
4:00    返家
5:00    再訓過
8:30    晚飯

訓咁多，會唔會變豬架呢? @.@

痛中有感

小病是福，偶然有一些小意外，雖為生活帶來不便，但也是一個好好體會人生的一課：

• 我認我個人係勁心急，原來我平時係行得咁快的
• 可望而不可即的感覺是多麼的煎熬
• 行十年都未到巴士站，真係訓練我耐性囉
• 凡事要量力而為，唔好以為好番少少就係好番先得架，之後咪後果自負囉
• 有時候明白下人間疾苦都係好事
• 平時一下子就做到的事，現在發覺原來一D都唔簡單
• 行得走得，真係要多謝上帝

最後，感到人間有情。多謝照顧。

天堂與地獄

話說今日，下午食左個好好味嘅熱狗下午茶餐， 飲左杯雪糕涼粉紅豆冰。跟住到半個鐘後，見到有D餸剩，咁咪又試下囉。點知個菜超鹹，D豬扒係甜的(!!!)， 真係好難食。個感覺就好似由天堂跌左落地獄咁樣。

跟住，祖先生就話啦：「到底天堂係點架呢？ 咪就係日日都食D好好食嘅餸，好似D 熱狗下午茶餐咁好味個D囉。地獄又係點架呢？日日都食D你好唔鐘意嘅野食，好似西芹呀（我係唔食西芹的！）， 食D超鹹嘅菜，甜嘅豬扒呀（我係接受唔到D suppose 係鹹嘅野變左甜囉），餐餐都係食個D， 地獄咪就係咁架囉。」

個下，我真係即刻（係即刻！）visualize 到天堂同地獄係點架囉！我係好鐘意食野，同埋鐘意食D好味嘅野（唔通食D難食架咩），對食好有要求，我覺得食野係一種享受。咁如果落地獄係會日日都食D超難食嘅野，仲要係以後都係咁，真係生不如死囉。真係諗起都毛管棟！！！


我真係死都唔要落地獄呀！！！！！！！

感謝

毎一次我感覺到不開心時，我都感謝上主，因為我知道，我還感覺到痛，我還活著。

「 哭 有 時 ， 笑 有 時 ； 哀 慟 有 時 ， 跳 舞 有 時 」

～聖經

六天半

唔講唔覺，原來我6.5/7 日係返左工的！唔怪得咁攰啦 (我自己一路都以為只係返左六日....)

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
辛苦做完野食餐好嘅，原來係咁暢快嘅！！！



是日精選：食飽左，個人係會踏實左嘅

是日餐單

早餐：

東瓜藥材湯
菜心

麥記咖啡一杯

午餐：

東瓜乾瑤柱
蠔油芥蘭
腐皮卷
紅米

下午茶

Starbucks 咖啡一杯
香腸
蜜糖雞翼
雪糕紅豆涼粉

餐前小食：

時新快餐店芝士漢堡包
凍檸茶

晚餐：

椒絲腐乳通菜
豉椒炒蜆
酥炸蠔

甜品：

芒果布甸
榴槤班戟
幻彩明珠



破哂我紀錄！真係一日食左五日quota！做番一百下sit-up 都唔掂！ 不過好好食，超級滿足！

世界盃

我諗呢個月最hit 的話題，非世界盃莫屬。

不過因為係收錢電視先有，變得唔係個個有得看。

但係，都有唔少男士為到世界盃如癡如醉（包括小女子的爸爸，佢真係日日係咁看架！）。

同事J 係阿根庭的忠實fans。（連個firefox background 都係阿根庭！）一路以來佢毎一場阿根庭的賽事都有看。到了阿根庭對德國的比賽之後，我毎次再問佢有冇看世界盃，佢都會答我：「我嘅世界盃已經完左架啦，我返左阿根庭啦，睇唔到世界盃架啦！」（！！！）

今年真係好奇怪，個D傳統強隊全部都唔知做乜，通通出哂局。我捧個D意大利呀，巴西呀，全部都返哂鄉下 ＝＿＿＿＿＝"""

又要再等四年！！！

唔會肥的宵夜 VS 會肥的宵夜

話說昨晚食完飯，都覺得唔係好滿足，咁我就好冇節制咁食左好多junk food。但食完junk food 後，依然感覺空虛。咁啱同事聽日生日，咪上網找下有咩地方食生日飯好囉，點知愈睇就愈肚餓, 夜麻麻仲邊度有野食呀，點知呀祖先生雪中送炭，整左一餐豐富的宵夜我食，食飽飽仲一滴脂肪都冇落過肚，係咪好正呢....等我分享下我個餐豐富的宵夜：

主菜

飯

仲有甜品添！

大家係咪同我一樣，食飽左啦？係呀，我昨晚「食」嘅宵夜，就係呢幾張相啦！

昨晚食完唔會肥的宵夜，今晚就去食左餐，做四十下sit up 都補唔番的宵夜：

金菇肥牛

廣州大馬站

XO 醬西蘭花炒豬頸肉

我冇打錯，你都冇睇錯。係。冇。相。嘅！！！ 因為我太肚餓，真係咩都唔記得影就係咁食......雖然唔係昨晚食個D，但係都超級滿足！！ 不過，就真係宵夜時間囉。。。。十點幾先食呀......

兩個只能活一個

今天看報紙才知道高考今天放榜，就想起考試這個遊戲的緊張刺激，和殘酷。

我常常戲言，從高考的途徑進大學，就是「兩個只能活一個」，有一半或以上的同學，未能升讀大學。其實早於會考時，已只有很少部份的學生能升讀中六，而進大學更是難上加難。這些進入大學，在同年的學生中脫穎而出的人，到底之後會面對什麼樣的生活？

身體好

From Appledaily June 29, 2010 newspaper

發脾氣身體好

• 文 章回應

記得黃子華說過，老闆給人一份人工，一半是要你工作，一半是要你受氣，所以打工仔只好聲忍氣。根據一 系列英美精神健康研究指出，適量的發脾氣比永遠好脾氣有益。面對社會種種壓力，如果選擇做「忍」者面對，很容易積「氣」成疾。研究中顯示，盡早適量發脾氣 的人，在發怒期間可令他們感到重新控制情感，令血壓和皮質醇分泌量比忍者少，且專家認為憤怒是人在遇到挫折和危險時的天然反應。相反，若長期脾氣暴躁，亦 很易患心臟病和高血壓，所以適量的爆發可保身心健康。

王震遠

我要回應

如欲回應本文章，請先登入。

我要回應

網名： 請先登入
電郵：（可不填寫）
我的回應╱ 報料：
只對《蘋果》說：是否

(你的回應 只會傳送給編輯部，並不會顯示在討論區上)

歡迎《蘋果》聯絡我：是否

真實姓名：		聯絡電話：
職業：	請選擇 幼稚園小學中學大學其他社會保障家庭兒童及青少年長者新來港其他西醫中醫牙醫護士藥劑其他警察海 關入境處消防及救護懲教其他保險公務員電訊空中服務員資訊科技會計廣告建 築銀行美容客戶服務工程酒店投資理財法律物流新 聞傳播地產飲食零售市場銷售傳銷／直銷旅遊鐵路巴 士小巴及的士貨車及貨櫃其他保安物業管理其他	職位：

驗証字符：（須 大小楷正確）

留言區聲明 :

1. 若不希望意見或報料被公開刊載，請電郵私人回應╱報料至 tellus@appledaily.com
2. 請按主題發言，切勿上載其他報刊、沒有刊載版權的文章，或撰寫粗言穢語、誹謗、渲染色 情暴力或人身攻擊的言論，否則會被刪除。
3. 不得於本留言區張貼廣告及涉及任何交易行為之訊息。
4. 留言只代表留言者個人意見，並非本網站立場。
5. 我們保留一切刪除及修改權利。如有任何疑問，請電郵至 tellus@appledaily.com

一流的服務

今日中午去左一間慕名已久的餐廳食飯， 佢D野食都okay 好食，不過我想講下佢一流的服務。

話說有個waitress, 係我地食緊野的時候，行過來問我地“呢個仲要唔要呀？” 佢咁樣問，好似冇咩問題，但係其實佢問我地的時候，我地係仲actively 食緊的！ 跟住我朋友話，哦，仲要架， 跟住，佢就二話不說收左我個沙律囉！！！！！！

我個沙律係差唔多食哂，但係，係佢問個秒，我都仲係叉緊架囉！！！！我立刻O哂咀，都唔知俾咩反應好。

係接下來的午飯，佢係過左來成五次問我地仲要唔要，但係，我地係成程都食緊，冇停過架囉 =.=" 跟住係食完個秒，隻碟就俾人收左啦！  =____=""

一格仔

今日睇番去trip D相，一路睇， 一路hehehe咁笑左出來。真係諗起都好開心，更加唔少得個D無聊得來超搞笑的moment。

話說有一日我地去到一間民宿，佢地個wi-fi 真係超好， 好到成日都係收得個一格仔，我地又好desperate 想上網（唉，時下青年....)，咁我地就拿住個電腦好似羅庚咁係間房度走來走去，想找一個收得好D的地方，最後找到的地方，是在.........廚房裏！！！

就變成咁....

係咪好無聊呢。

地獄式減肥

講起就心傷。個美國開開心心之旅完結之後，係D相入面係好明顯地見到我塊面愈來愈“幸福“ ， 跟住返來之後，又因為世界盃的關係，食左唔少垃圾食物，情況更加一發不可收拾。

我決定由今日起，暫時同垃圾食物講bye bye， 我要努力加油，再戰小背心和短褲！

飯飯飯飯

我只係想七點有飯開啫，點解都咁難嘅？

＊＊＊＊＊＊＊＊＊＊＊＊＊＊＊

okay, 發泄完。

我只係唔想D光陰浪費係等的上面，而且，我大部份時間都係返到屋企已經超肚餓，未有飯食又會忍唔住去找野食，到差唔多食飽就有飯食啦，真係激死!

我都知媽媽煮飯辛苦嘅，辛苦哂！

深閨女子

當你有一個更好的offer 在你面前，但你要唔到，係幾咁的"dum" 心。

。。。。。。。。。。。。。。。。。

我呢輪都好“深閨” 街都唔多出下，係咪一個超級孝順女呢 （嘔！）。

當我係個phone book/MSN list 度scoll 來scoll 去都找唔到幾個可以有事冇事出來行街食飯的朋友，不禁有點悲嘆小女子的人緣其實都不怎麼樣。難道我要孤獨終老嗎？ 唔好呀！！！！

我好想行街，食飯，唱K， 睇戲呀！！有冇人可以陪我呀！！！！

金句

「我接受唔到囉」

呢句係個trip 入面出現左無數次。發覺，原來呢句話係百搭的。咩occassion 都會用到。

遊記我會再努力寫的。

＊＊＊＊＊＊＊＊＊＊＊＊＊＊＊＊＊＊＊＊

okay...放假返來要catch up 的東東，做左成兩個星期都未 catch up 哂.....

不過，正能量萬歲!

Just realized something. And ouch! It hurts.

But I am learning to live with it. Even though it may come to haunt me sometimes, it's just a nightmare.

輕飄飄

荷包輕飄飄～～～～

今日終於“的“起心肝，俾哂D bills，唔使成日都覺得有所虧欠。不過，係個荷包有D。。。

同埋個心又有D....

---------------------------------------------
仲燥底，想燥到幾事呢？

不佳

心情不佳， 燥底， 要飲涼茶。

結論：心情如何，同夠唔夠訓冇咩關係。唔夠訓好似脾氣仲好D。

唉，係時候同天父傾下密計。


呻完，感覺良好。謝謝。

戰利品

我拜托傅小姐幫我係韓國買的東東昨晚到手！！超興奮！！！有好多野呀， 暫時都未用過，只係試左個甲油。其他的試左再上來分享下。

不過講番個甲油，真係唔錯，個掃超大，又勁快乾，搽完D顏色又會自己平均番， 又夠實色，勁okay 喎！！

最後就要多謝傅小姐辛辛苦苦咁幫我買（仲要搬返來香港呢！）咁多野！！ 多謝哂！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
不過講開又講，我次次化左幾日妝，塊面就開始起粒粒， 傅小姐話我可能對化妝品敏感，唔知係咪要轉用mineral make up 呢？><

我發覺我都係惹蚊的體質 @.@

話說昨晚我同傅小姐一齊，明明大家都係咁架啦，點解D蚊淨係咬我唔咬佢？成晚勁miserable 囉，就係repeat：

「好痕呀」
「哎喲」
「咬左一粒tim!」
「快D揸「保心安膏」啦！」

請將以上的conversation 重覆五次。=.="

亦都多得我，傅小姐盒「保心安膏」由全新，平的，俾我搽到"lup"左 =____=""

帶飯

開始了帶飯數個星期，最初原意是不想走來走去，又買些不好食的。但經過“傷心大事件”後，想不到我帶飯的原動力是..........

我要慳錢買返個電話！！！！[超無奈囉......]

不過今日我冇帶飯，兼且兩餐都出街食， 但係我今日完全冇用過錢食飯喎。（睇到呢度，係咪有D想打我呢？）


多謝贊助左我個兩餐飯的兩位善長！你地真係雪中送炭呀！

見識

Sorry...我真係見識少囉，唔明點解D人去見工，可以係電話留左言又唔覆，約左時間又會遲左五分鐘先打電話來話會遲D，跟住半個鐘頭後話佢坐過左龍少少，咁都算啦，跟住十分鐘後打番俾佢竟然唔聽電話！！！

結果，佢係約定的見面時間四十五分鐘後先到！真係超勁！

感恩

感恩。我的死期已過，但我還活著。

沒有想像中的困難，其實相比去年，是蠻輕鬆的。最安慰的是，一路上看到祢的同步。我知道，一切都在祢手中。

1）愁沒有人時，便有人主動打電話來sign up。一個星期便多了一倍。
2）需要送東西出去，便有人“剛巧“在需要的兩天有空。
3）沒有人手，在最critical 的那幾天便有人來幫忙。
4）last minute 需要有人入data, 便有人有空來入data.
5)  我不擅長excel， 但那天來幫忙的人“剛巧” 是精通excel  的 （我事前真的不知道！）。

得時不得時祢也是我的天父。一切祢都己預備。

嗯，祢的恩典，剛剛夠用。

悼。。。

其實呢件事已經係上星期日的事，但係太傷心了，完全地唔想寫出來，所以過左成個禮拜，先平復少少....

我成。個。手。袋。俾人攞左。係，你冇聽錯，係成個手袋。結果就係，咩都冇哂。包括啱啱出左四個月都冇嘅電話（仲有成年要供囉，陰公!），ipod touch,  陪左我行過好多路的銀包，可以證明我身份的文件，我D隨身小物，就係一個咁意外的情況同佢地講bye bye。

我立刻行勻附近的大小垃圾筒，俾番條屍我都好呀，但係，就係乜都冇。唉。現在仲係補領過程中，超級麻煩。

小物

今天看報紙時看到這隻碟。我第一個反應係：隻碟點樣洗呢？佢會唔會好易被”亨“爛呢？ 看來，佢都唔係俾我地呢D平凡人家用架啦.....

雞蛋仔

我成日都覺得雞蛋仔呢D傳統手工藝，係好難整得難食嘅。

但係今日竟然俾我遇到間極品。我咁大個女都未食過咁難食嘅， 係真係超。級。難。食。佢硬到真係連牙都差D咬爛。

唔好問我係邊間，佢係係我公司附近，而且間野有賣其他野。

都係食

有朋自遠方來 Day 2

Okay....佢地話昨天晚上佢地真係食得好飽。咁即係我嘅消化能力特好？ 定係佢地個胃少得可憐？

想食個間燒臘，原來公眾假期係唔開架囉，灰爆！！！ 

今晚正常返少少，起碼我係真係覺得飽囉。但佢地都仲係食好少野。來香港唔係就要係咁食架咩？

今日都仲要超大霧囉，不過好過昨日少少嘅。啱啱先知凌霄閣樓上觀光層要錢先上得去囉，仲要收成＄25！以前免費架！

女人街都係要講價，仲可以講到平一半! 你話佢地食水深到呢....我就好怕係D要講價嘅地方買野囉，好似下下都俾人呃咁！仲要俾我知道佢地食水咁深，真係買野嘅意慾都冇哂！！！


＊＊＊＊＊＊＊＊＊＊＊＊＊＊＊＊＊
Ummmm...我其實成日都諗到想係個blog 度寫野架，不過呢，通常都係架車度，跟住到返到屋企可以坐係度寫個時，就唔記得哂之ma...咁我係咪應該因為呢個原因，裝返個“生滋”呢？ 

**********************************
去左古天樂個個玩具展。超興奮囉，我咁大個女都未看過1：1的模型公仔架！超有型！！我覺得好值得去囉，有興趣的朋友仔好快D啦！！我諗住遲D等冇咁多人時再去影過。。。。真係有好多隻架！！

 我的最愛！！

不亦樂乎？

有朋自遠方來 Day 1

• 間酒店真係有D“隔涉”囉
• 蓮香太晏去係冇咩食嘅
• 蘭芳園奶茶依然好飲，仲有，無意中發現佢個咖央西多士都好得
• 天星原來加左價，承惠3元整(上層）
• “fing 噹噹”今晚有一半係D霧裏面
• 廟街間煲仔飯店好得，我地叫左柱候牛腩煲仔飯，鹹魚肉餅煲仔飯，蠔餅，豉椒蟶子，同埋避風塘炒蟹，除左蠔餅同豉椒蟶子係okay外，其他個D都好得，尤其是D煲仔飯，超好味！！！！
• 我中午同晚上個兩餐都係僅飽，我覺得個D“朋”一定超肚餓囉....
• Eeeeeee.....唔制呀，食唔到松記呀，個D水晶珠好吸引呀！！！
• Yeah Yeah Yeah!!! 聽日唔使早起身！！！

小城小事

我發覺我返工時間（對D唔關公事）嘅 sense 真係少得可憐。

一係就望都未望清楚係咩字就覆人，搞到笑話連篇；一係就無聊野都當 正經事咁辦，差D上當； 一係就牛頭唔搭馬嘴.....

我都係返工時間做返返工野啦，如果唔係真係好易出事!!!

食。食。食。

有朋友來香港玩，我當然一盡地主之誼，招呼下佢地啦！

但竟然！我最有興趣做嘅事，唔係諗下帶佢地去邊度玩！而係係度狂找餐廳，諗下食咩 @.@


由早餐，午餐，下午茶，小食，飲品，晚飯，到甜品，之後飲野都諗好哂，只要（如果？）佢地仲食得落，我個list仲可以繼續咁plan 落去。好恐怖呀！！


點解我會咁架？？

又愛又怕

對於一連五天的長假期，真是又愛又怕。

愛的是有長假可放（最重要是不用自己請的！！）

怕是。。。。放完假，我的死期就正式到了。。。。。天呀！！！！

*****************************
放其他人的需要在自己之先，似乎係我的天性....有時，我都覺得自己好煩，點解要做“順德人”呢？

神臨在的痕跡

約好6點到荃灣。但今天工作那邊有活動，想早走也走不成。到我以9秒9速度離開，已遲了半個小時（我在港島區返工的）。“碌”到去小巴站，見到長長的人龍，已心感不妙。當下我只能不停祈禱快點有車 （我曾試過等了四十分鐘才有車！！！）。但我今天，竟然一連見到五架小巴！！

上車後，架小巴都幾“亡命” 但我就不停讚美主 （平時都唔見有咁多....慚愧....) 見佢一路勁快就一路讚美，又勁找地圖(荃灣我勁唔熟lor...) 結果，我七點05 分就安坐左係我地約左的地方啦！

本來工作那邊有豐富的食物，但係太忙，我都只係食左一塊豬皮，又趕住走，水都唔記得飲。一坐低，就勁肚餓同口渴。問我的朋友，她就給我一粒糖先頂住。食完粒糖，好似冇咁渴。

此時，傅小姐突然拿了一大舊香蕉糕給我。據她說，她今早在中環買這塊糕時，都不知買來幹嗎 （她當時並不肚餓）。食完個肚立刻唔打鼓。

咁就出發。出發去探第一個家庭，他們給我一碗水飲，咁我就唔口渴啦！呢一份“晚餐”，仲足夠我頂到十點先食晚飯。
 

神臨在的痕跡：

1） 平時好日都唔見的小巴，今日竟然俾我見到五架！唔使十分鐘就上左車

2）揸得勁快，可以半個鐘由放工（港島），到荃灣

3）口渴: 就有粒糖短暫頂住先

4）肚餓就俾香蕉糕我食 （原來傅小姐今朝唔知做乜買塊糕，就係為左拿來俾我食）

5）我仲口渴，就係探訪的家庭俾碗水我飲


對其他人來說，呢D係巧合，或者係微不足道的小事，  但係，對我很震撼。天父佢老人家連搭車，肚餓，口渴呢D小事都照顧周到，讓不同的人給我祝福，我除了感恩外，還能說什麼呢？只能說一句：


上帝早已預備

那有一天不想你

那有一天不想你呀～～～～

我的咖啡.....我需要caffinee 來維持我的呼吸心跳啊!!!

＝＝＝＝＝＝＝＝＝＝＝＝＝＝＝＝＝＝＝＝

慳錢大作戰 Day 3

地鐵 （乜咁悶嘅，日日都係地鐵....) $5.4
巴士  （嘻！又搭到架平的）$3.4
午麵    $19
Expresso 咖啡 !! 未俾錢，唔知
晚飯   公司食 $0
巴士   $8

總計：$35.8

(嘩！創新低呀!)

貼心

貼心，就是要早起趕proposal 時，別人送上的一杯咖啡。

。。。。。。。。。。。。。。。。。。

慳錢大作戰 Day 2

地鐵  $5.4
巴士  $5.7  （今日遲左，見咩上咩）
午餐（米粉）  $19
晚餐  $25 (本來諗住就咁食個飽就算，點知到買個時勁肚餓，唯有叫個餐，現在勁熱氣，喉嚨有D痛....有D後悔...=.=")
“嘟” 左兩蚊的地鐵  $3.4

總計：58.5

(唉....都係啱啱達標 .......)

生日飯

L先生生日，去左間樓上Cafe 食晚飯。

個度D裝修都幾特別，好清雅。好彩我book定位， 因為佢得好少位，唔book就冇位架啦！

呢個係豬肉唔知乜乜肉醬意粉

紅酒燴鴨胸炒意粉

兩樣都好好味道，不過我奉勸各位，好肚餓就唔好去啦，皆因佢地成間full house 都只係得兩個人做野（一個係樓面，一個係廚房煮野食），所以毎樣野都要等好耐，同埋size 都唔大（咁又唔會餓親嘅，不過就唔太飽咁囉）全個餐有一個餐湯，主菜同埋一杯飲品。我地係全間餐廳最早order (我諗7:15度啦），到食完都已經成9點。

不過，如果你係唔趕時間，又唔係好肚餓，呢間cafe 值得一去，可以好悠閑咁食野傾計，都不失為一件樂事。

後記：我昨晚訓覺時個肚勁痛，唔知關唔關間cafe 事.....

慳錢大作戰 Day 1

地鐵返工$ 5.4
轉巴士 $ 3.4
Lunch 粢飯一個 $6, 另外好心同事一小碗菜飯和一舊豬扒 $0。午後紅茶兩倍茶， 好耐之前買落 $0
晚飯 $196 (生日飯，唔慳得）
甜品 $0 （朋友請）
巴士返家 $4.1

全日使費：214.9

仍需努力！

經典

今晚看了一套經典電影 "癲佬正傳“。

他說的故事，就似在說著我毎天做的事，毎天面對的人。

當中說到很多社會的問題，我今天也不想在這兒討論。（可能有一天我也會說說的不定）不過，不用擔心啦，我的工作沒有在電影說的那樣恐怖。

不過我覺得，人的力量是很有限，可能做了很多事，也不能改變什麼，但我還是覺得，只要我們盡了力，無論帶來的轉變是多麼難，多麼少，只要我們的生命能發光發熱，光照身邊的人， 那怕終此一生只能impact一個人，也是很值得做的事。

我深信，生命能影響生命。

得著一個生命，是很難的，也不能保證最後他會不會走回頭路，但既然上帝都沒有放棄我們，那我有什麼理由去放棄？

＊＊＊＊＊＊＊＊＊＊＊＊＊
唔。。。我還在想要不要給我爸爸媽媽看，讓他們更了解我的工作呢？ 不過，我也不想嚇親佢地呀！

穿戴

看穿戴的blog, 佢話有一個大學生，佢阿媽毎星期俾$400佢，即係大約$80 一日，包哂所有野。

我決定係冇約的日子，要用得少過＄80 一日!

（有約的日子用多少錢就真係難D控制....)

好！我要努力！！！

安樂哂

安樂到不得了。

仲痛緊。

講完。

詩篇100篇 (講道節錄）

詩 篇 100

 ¹ （ 稱 謝 詩 。 ） 普 天 下 當 向 耶 和 華 歡 呼 ！
 ² 你 們 當 樂 意 事 奉 耶 和 華 ， 當 來 向 他 歌 唱 ！
 ³ 你 們 當 曉 得 耶 和 華 是 　 神 ！ 我 們 是 他 造 的 ， 也 是 屬 他 的 ； 我 們 是 他 的 民 ， 也 是 他 草 場 的 羊 。
 ⁴ 當 稱 謝 進 入 他 的 門 ； 當 讚 美 進 入 他 的 院 。 當 感 謝 他 ， 稱 頌 他 的 名 ！
 ⁵ 因 為 耶 和 華 本 為 善 。 他 的 慈 愛 存 到 永 遠 ； 他 的 信 實 直 到 萬 代 。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
你知道什麼是歡呼嗎？

歡呼就是當你在東亞運動會，香港的足球隊在互射12碼中勝出時，你開心得手舞足蹈，大喊大叫，打從心裡開心出來的，便叫做歡呼。

什麼是樂意事奉耶和華？

就是普天之上，沒有別的神，並且在地上沒有可戀慕的。在天上沒有別的神，比較容易辦到，但是地上沒有可戀慕的呢？我們所戀慕的，可能是金錢，可能是一個人，可能是權力，也可能是工作， 我們是否甘心樂意事奉耶和華呢？還是，我們已經慢慢地去事奉其他的東西？

我們曉得耶和華是神嗎？

很多時候，我們落在困苦，逼迫，困難時，我們會以為上帝不知道，也會問，為什麼上帝不聽禱告？我們也會在不順心時， 有很多的怨言，說天父怎麼不幫助我？ 也可能在順利的時候便信神多一點，不順利便少信一點了。我們真的知道耶和華是神嗎？ 神有三個“無所”，祂是“無所不在，無所不知，無所不能”，那當我們落在困苦，逼迫，困難時，神會不知道嗎？我們辛苦時，祂會不在嗎？

我們是他造的，也是屬他的

在做陶瓷的時候，我們想做什麼便做什麼，那個泥不能說，我不想做夜壺，我要做花瓶! 便能得嘗所願。那就像我們，被天父造出來，不能說，為什麼他有這樣，有那樣，而我沒有？
在約伯記中，那些朋友提的問題，其實上帝都有在聽，都知道，但祂在中間也沒作聲，在最後才回答，明知那些朋友說的不對，也容讓他們“發噏風“，那是天父出我們的包容， 所以，我們有時不要代表上帝去說話，我們不是上帝，我們又如何得知上帝的想法？我們只能說，我們不知道。

草場的羊是怎樣的呢？

那就是，羊躺在地上，一張口便能吃，吃完了，一轉過頭，便又有草，可以繼續吃。不遠處，便有水可喝，是很舒適，沒有憂慮的。

怎樣讚美上帝呢？

歡呼、歌唱、稱謝、讚美、感謝、稱頌

耶和華本為善

是的，上帝是善的，從來祂說過的就算數。無論怎樣，都寧願落在耶和華手中，都比落在仇敵手中好。就好像你犯了錯，你都寧願給阿媽打，也不要給仇人打。因為出於愛的打，和出於恨的打，是完全兩碼子的事。

吹口哨

聽到有人吹口哨，係好正常。

但我今日返屋企時聽到人吹口哨，但係係吹 "Phantom of the Opera" 囉!!! 吹口哨時吹Opera....真係未聽過，大開“耳”界 @.@!!

*****************************
原來，係肚餓時食嘅飯，係最最最美味的。好好味的燒鵝飯！！

*****************************
有一D朋友，你明知同佢地嘅諗法，方向，人生觀都好唔同， 而你又好唔認同佢地嘅諗法，咁你會點呢？

1）道不同，不相為謀
2）傾計啫，唔使咁認真
3)   朋友貴乎相交

而我，一方面會同佢地吹水吹得好開心，但另一方面又會因為諗法唔同而超勞氣，過後又因為傾得好唔痛快，毫無得著而覺得浪費光陰；但係！！！下次佢地搵我，我又會繼續同佢地吹喎，咁到底係我犯賤呀，定係我人格分裂？？？！！！

好玩！好好玩！

今日好開心，好好玩！！


小總結：

1. 係咁挺胸收腹係勁攰
2. 有好多頭髮兄弟壯烈犧牲左
3. 個頭係一餅野
4. 老骨頭，扭來扭去差D出事
5. 感覺自己似機械人...
6. 模托唔易做

火燒心

食午飯時， 叫左個茄子，諗住香噴噴快D食，點知吞到落喉嚨先感覺到超痛，我個腦完全冇諗之下就吞埋佢添！

個一下，以前D新聞片段全部飛哂出來。點樣食得太熱跟住死左呀，D腸又唔work 呀。。。我真係有好認真咁諗過我個一舊茄子係咪令到我由喉嚨到D腸都熟左。

不過我到現在都係度打緊字，我諗我都仲健在嘅。

************************

好舒服的一個地方，好好味的晚餐，好好味的咖啡。

四眼妹

今晚，我接左一對新的眼返屋企。

勁睇唔慣。

以前對眼好似溫柔D。

咩公仔

今晚經過中環，見到D好得意的公仔 （sorry, 佢地好面善， 但我真係唔記得佢地叫咩名），影左幾張相

＊＊＊＊＊＊＊＊＊＊＊＊＊＊＊＊＊＊＊＊

今朝有人係我好夢正酣時兩分鐘內send 左四個短訊呀 [@#$#@^%$%*&)* ]

莫記憂與愁

從前聽人說過一個故事，一個父親叫兒子在生氣的時候，釘一口釘子在圍籬上，他的兒子聽從他的話，在別人得罪他時釘一口，氣憤時又釘一口，很快 的，圍籬上便釘滿了釘子。父親又叫兒子說， 你現在看著毎一口釘子，想想那是發生什麼事，如果有一天你能原諒他時，便拔走一顆釘子。日子一天一天的過去，圍籬上的釘子愈來愈少。到有一天，釘子都沒有 了。父親便把兒子叫到眼前來，跟他說：「你做得很好，我的好孩子，但是看看那些圍籬上的洞。這些圍籬將永遠不能回復成從前的樣子。你生氣的時候說的話將像 這些釘子一樣留下疤痕。如果你拿刀子捅別人一刀，不管你說了多少次對不起，那個傷口將永遠存在。」

我們的心喜歡記著一些不愉快的事，因為不愉快的事在我們的心中留下烙印。愉快的事反而不記得了。其實，我們毎一天的生活中，都有大大小小有趣而又值得記下的事。就只是看我們有沒有把他記下來而已。


好，莫記憂與愁，我要記住D開心事！！！

港女的幸福星期日

今朝好努力咁drag 左自己起身去赴一個重要的約會。

前一晚太興奮，搞到好late 先訓， 今朝，咪自己承受惡果囉。(係呀，我毎一次都係起身個下超後悔之前個晚太“早”訓架）

我今日，好遲囉。唔得，要努力D！！！唔可以咁架！！

。。。。。。。。。。。。。。。。。。

 一個悠閑的下午
一間愉快的店
一頓豐盛的晚餐
一晚窩心的談話

我覺得自己好幸福呀！

闊太的喪買生活

今日同阿貓小姐去積極消費，促進香港經濟，減低失業率。

朋友消費，即係自己消費； 朋友開心，即係自己開心。買下買下買到我都好開心。

本來我整晚一無所穫，但係臨走的時候，見到一間我在美國時常去“混吉” 的店有執笠大平賣， 係平到$20 一支lip gloss, 真係唔買都對唔住自己，我的喪買mode 立刻出動， 掃貨！

 

Shopping 能醫百病!!!

。。。。。。。。。。。。。。。

愈來愈鐘意用手機來影相，貪佢一個掣就可以send 返去電腦，唔使用card reader 左搞右搞。Post 相上blog 超easy!

“八”的突破

由我學會打保齡球以來...


我都未試過，係未試過呀！成績咁差勁架！！！

可以連續16 球，係連續16 球呀！！都落坑架！！唔知點解架囉，個波係不受控咁又左又右，我同佢講，“這是正路，你要行在其中" 但係佢都係唔聽嘅，係都要落坑。

見到個分牌就係咁

﹣8 ﹣﹣﹣﹣﹣﹣﹣﹣﹣﹣﹣﹣﹣﹣
／8﹣8﹣8﹣8﹣8﹣8﹣8﹣8﹣8﹣8

個一刻，真係好沮喪架！

不過好彩最後我都生生性性，係最後一球打到9分，十七分離場！

有幾型？

今日見到一個sign "吸毒有幾型?你個膀胱細幾成"

現在作slogan D人真係勁，我一見到個sign 就勁visualize 見到個膀胱lor...係咪要找個咁特別的東東才可以作banner 呢？

安慰食物

It's comforting to have some "comfort food" after a long rough day....

************************
今晚去左返主日學。係呀，大家冇聽錯，係主日學。（不過係係星期三上的）

大半時間，我都係同睡魔爭戰，係眼訓到一個地步，開始出現妄想的症狀....至於個講員講左D咩....唔係好聽到。

不過，最後有一齊唱詩同禱告的時間，個度，我反而可以專心同天父傾心事。

朋友

朋友，是你歡樂時的良伴。

是你哀傷時的安慰劑。

是你不順心時的聆聽者。

是你一生的同行者。



多謝你，朋友。

心甜

我一生人第一次，有一個一歲的小朋友，笑笑口的望住我，然後大大聲很清楚的叫了一聲“姐姐”！

真係諗起都心甜。