一流的服務

今日中午去左一間慕名已久的餐廳食飯， 佢D野食都okay 好食，不過我想講下佢一流的服務。

話說有個waitress, 係我地食緊野的時候，行過來問我地“呢個仲要唔要呀？” 佢咁樣問，好似冇咩問題，但係其實佢問我地的時候，我地係仲actively 食緊的！ 跟住我朋友話，哦，仲要架， 跟住，佢就二話不說收左我個沙律囉！！！！！！

我個沙律係差唔多食哂，但係，係佢問個秒，我都仲係叉緊架囉！！！！我立刻O哂咀，都唔知俾咩反應好。

係接下來的午飯，佢係過左來成五次問我地仲要唔要，但係，我地係成程都食緊，冇停過架囉 =.=" 跟住係食完個秒，隻碟就俾人收左啦！  =____=""