天堂與地獄

話說今日，下午食左個好好味嘅熱狗下午茶餐， 飲左杯雪糕涼粉紅豆冰。跟住到半個鐘後，見到有D餸剩，咁咪又試下囉。點知個菜超鹹，D豬扒係甜的(!!!)， 真係好難食。個感覺就好似由天堂跌左落地獄咁樣。

跟住，祖先生就話啦：「到底天堂係點架呢？ 咪就係日日都食D好好食嘅餸，好似D 熱狗下午茶餐咁好味個D囉。地獄又係點架呢？日日都食D你好唔鐘意嘅野食，好似西芹呀（我係唔食西芹的！）， 食D超鹹嘅菜，甜嘅豬扒呀（我係接受唔到D suppose 係鹹嘅野變左甜囉），餐餐都係食個D， 地獄咪就係咁架囉。」

個下，我真係即刻（係即刻！）visualize 到天堂同地獄係點架囉！我係好鐘意食野，同埋鐘意食D好味嘅野（唔通食D難食架咩），對食好有要求，我覺得食野係一種享受。咁如果落地獄係會日日都食D超難食嘅野，仲要係以後都係咁，真係生不如死囉。真係諗起都毛管棟！！！


我真係死都唔要落地獄呀！！！！！！！